University of Agricultural Sciences, Bangalore

ಗೋಡಂಬಿಗೆ ಆಂತರಿಕ ಮತ್ತು ಬಾಹ್ಯ ಬೇಡಿಕೆ ಹೆಚ್ಚುತ್ತಾ ಹೋಗುತ್ತಿರುವುದರಿಂದ ಇತ್ತೀಚಿನ ವರ್ಷಗಳಲ್ಲಿ ಬೆಲೆ ಏರಿಕೆ ಪರಿಣಾಮವಾಗಿ, ಕರ್ನಾಟಕದ ರೈತರಲ್ಲಿ ಗೇರು ಕೃಷಿಯ ಬಗ್ಗೆ ಹೊಸ ಆಸಕ್ತಿ ಮೂಡುತ್ತಿದೆ. ಗೇರು ಕೃಷಿಯ ಸಾಂಪ್ರದಾಯಿಕ ಪ್ರದೇಶಗಳಾದ ದಕ್ಷಿಣ ಕನ್ನಡ, ಉಡುಪಿ, ಉತ್ತರ ಕನ್ನಡ, ಬೆಳಗಾಂವ್‌, ಖಾನಪುರಗಳ ಜೊತೆಗೆ ಸಾಂಪ್ರದಾಯಿಕವಲ್ಲದ ಪ್ರದೇಶಗಳಾದ ಚಿತ್ರದುರ್ಗ, ತುಮಕೂರು, ಕೋಲಾರ, ರಾಯಚೂರು, ಮೈಸೂರು, ಕೊಡಗು, ಬೀದರ್‌, ಬೆಳಗಾವಿ, ಧಾರವಾಡ, ಶಿವಮೊಗ್ಗ, ಬೆಂಗಳೂರು ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆಗಳ ಹಲವಾರು ರೈತರು ಗೇರು ಬೆಳೆಯಲಾರಂಭಿಸಿದ್ದಾರೆ. ಹವಾಮಾನ ವೈಪರೀತ್ಯವನ್ನೂ ಮೀರಿ ಬೆಳೆಯಬಹುದಾದ ಗೇರು ಬೆಳೆಯನ್ನು ಉತ್ತೇಜಿಸುವ, ಪ್ರೋತ್ಸಾಹಿಸುವ ನಿಟ್ಟಿನಲ್ಲಿ ರೈತರಿಗೆ ವೈಜ್ಞಾನಿಕ ಗೇರು ಕೃಷಿಯ ಸಮಗ್ರ ಚಿತ್ರಣದ ಅವಶ್ಯಕತೆ ಇದೆ.

ಪ್ರಸ್ತುತ ಗೇರು ಕೃಷಿ ಪುಸ್ತಕದಲ್ಲಿ ಗೇರು ನರ್ಸರಿ ನಿರ್ವಹಣೆ, ತಳಿಗಳು ಮತ್ತು ಅವುಗಳ ಗುಣ ವಿಶೇಷಗಳು, ಬೇಸಾಯಕ್ಕೆ ಬೇಕಾಗುವ ಸಾಮಗ್ರಿಗಳು,ಪೋಷಕಾಂಶ ನಿರ್ವಹಣೆ, ಕೀಟ ಮತ್ತು ರೋಗ ನಿರ್ವಹಣೆ, ಕೋಯ್ಲೋತ್ತರ ತಂತ್ರಜ್ಞಾನ ಇತ್ಯಾದಿ ವಿಷಯಗಳನ್ನು ಒಟ್ಟು ೨೮ ಅಧ್ಯಾಯಗಳಲ್ಲಿ ಲೇಖಕರು ಅರ್ಥವಾಗುವ ರೀತಿಯಲ್ಲಿ ಸರಳವಾಗಿ ವಿವರಿಸಿದ್ದಾರೆ.

೧. ಪೀಠಿಕೆ -- ೨. ಗೇರು ಭವಿಷ್ಯದ ಬೆಳೆ ಏಕೆ ? -- ೩. ಗೇರು ಬೆಳೆಯಲ್ಲಿ ಸಸ್ಯಾಭಿವೃದ್ಧಿ ಮತ್ತು ನರ್ಸರಿ ನಿರ್ವಹಣೆ -- ೪. ತಳಿಗಳು ಮತ್ತು ಅವುಗಳ ಗುಣ ವಿಶೇಷಗಳು -- ೫. ಹವಾಗುಣ, ಮಣ್ಣು ಮತ್ತು ಮಣ್ಣಿನ ನಿರ್ವಹಣೆ --೬. ಭೂಮಿ ತಯಾರಿ, ನಾಟಿ ಮತ್ತು ಸಸಿ ನೆಟ್ಟ ನಂತರ ನಿರ್ವಹಣೆ -- ೭. ಬೇಸಾಯ ಕ್ರಮಗಳು -- ೮. ಬೀಜ ಸಂಸ್ಕರಣೆ --೯. ಹಣ್ಣು ಸಂಸ್ಕರಣೆ -- ೧೦. ಹಸಿರು ಗೇರು ಬೀಜ ಉತ್ಪನ್ನ -- ೧೧. ಘನ ಸಾಂದ್ರ ಪದ್ಧತಿ -- ೧೨. ಗೇರು ಮರಗಳ ಪುನ:ಶ್ಚೇತನ ತಾಂತ್ರಿಕತೆಗಳು -- ೧೩. ಗೇರು ತೋಟದಲ್ಲಿ ಅಂತರ ಬೆಳೆಗಳು ಮತ್ತು ಅವುಗಳ ನಿರ್ವಹಣೆ -- ೧೪. ಗೋಡಂಬಿಯಲ್ಲಿರುವ ಪೋಷಕಾಂಶಗಳು ಮತ್ತು ಔಷಧೀಯ ಗುಣಗಳು -- ೧೫. ಗೇರು ಬೆಳೆಯ ಮೇಲೆ ಹವಾಮಾನ ವೈಪರೀತ್ಯದ ಪರಿಣಾಮ -- ೧೬. ಸರಕಾರಿ ಗೇರು ನರ್ಸರಿಗಳು -- ೧೭. ಗೇರು ಸಂಸ್ಕರಣೆಗಾರರು -- ೧೮. ಪದೇ ಪದೇ ಕೇಳುವ ಪ್ರಶ್ವೆಗಳು